මැනී, ඩියාගෝ සහ සිඩ් අයිස් පර්වතයකින් සැදි නැවක නැගී පාවී යන්නෙ ඔවුන් සිටින ප්රදෙශයේ අයිස් දියවී යාම නිසා ඇතිවූ හදිසි අණතුරකිනි. මෙහිදී මුහුදේ රජා ලෙස නම් දරා සිටින මුහුදු කොල්ලකාර ගෝරිල්ලා ඇතුලු පිරිස පරදා නැවතත් තම පවුල වෙත පැමිනෙන අයුරු දැක්වෙන අපූරු තිමාන කාටූන් පටයකි.
මැක්ව'රි කියන්නෙ ගනකාධිකාරී වරයෙක්. එයා එච්චරටම තැලුනු පොඩිවුනු කෙනෙක් නෙවෙයි. එයා විගණනය කරන්න ගිය ආයතනයකදි එයාට වයිට් කියල නීතීඥයෙක් මුණගැහෙනව. හරිම විනෝදකාමී සල්ලාල කෙකෙක් වන ඔහු, මැක්ව'රිට කාම-සමාජයකට දොර විවර කරනව. එතැනදි හමුවන කාන්තාවක් සමග පෙමක පැටලෙන ඔහු, අවසානයේ මහා මුදල් වංචාවකට අතරමැදි වෙන්නෙ රවටා වරදේ පටලැවීම නිසයි. මෙම අවුල විසඳාගෙන තම පෙම දිනාගැනීමට ඔහු දරන ප්රයත්නය මෙම චිත්රපටයට වස්තුබීජ සපයනව.
ධනවත් ව්යාපාරිකයෙකු සහ ඔහුගේ තවත් ව්යාපාරික සගයෙකු ප්රාණඇපයට ගනුයේ විශාල මුදලක් අයකරගැනීමටයි. එහිදී මුදල් ගනුදෙනුව සිදුවනතුරු ප්රාණඇපකරුවන් රඳවා තබාගන්නේ රසායනික ගබඩාවක වන අතර, ප්රාන ඇපකරුවන් මිදී ඇතිවන ආරවුලක් නිසා කිහිපදෙනෙකුට තුවාලවෙයි. ඒ අතර බිමවැටී කැඩුනු බහලුවකින් නිකුත්වූ රසායන ආශ්වාස කරන ජාවාරම්කරුවන් ඇතුලු ප්රාණ ඇපකරුවන් දෙදෙනාට තමන් කවුද යන බව පවා අමතකවෙයි. ජාවාරම් කරුවන් අතරම වෙස්වලා සැඟව සිටි පොලිස් නිලධාරියෙකු, තවත් රහස් පරීක්ෂකයින්ගේ සහයද ඇතිව ප්රාන ඇපකරුවන් ගලවාගැනීමේ මෙහෙයුම මෙහි විස්තර වන අතර, ධනවත් ව්යාපාරිකයාගේ සැබෑ සතුරා හෙවත්, මෙහෙයුමේ මහ මොලකරු ඔහුගේම බිරිඳබව හෙලිවන නමුත්, ඇයට දඬුවම් හිමිවේද?
ඉතා ඈත අතීතයේ අඳුර රජකල යුගයක, එම අඳුරට අධිපති යක්ෂයාගෙන් මිනිසුන් බේරාගත් ශූර වීර රණ විරුවා අවසාන සටනේදී මිය ගියේ පපුව හරහා හදවත සිදුරු කල තුවාලයකින්. එදා ඔහුගෙන් ගලාගිය රුධිරය පානය කල සියළු මිනිසුන් ඔහුගේ ශක්තිය, දෛර්යය, ශූරත්වය සහිත ප්රචන්ඩ-සාහසිකයන් බවට පත්වුනා. පරම්පරා ගනනක් තිස්සේ එම හැකියා ඉදිරියට ආව. 
